去咗珠海3日,今晚终于返嚟la

    珠海真係一個沿海嘅城市,係城市入边嘅海岸线超长啊!!!仲要有個海滩,第一次见到有海滩係城市边wor~

第一晚去到,就入咗拱北.博士推荐咗沙爹鸡包,一试..............真係唔错wor~因为加咗wasabi酱.沿住条街入去,可以用4個字形容:目不暇接.哩度D女仔嘅穿着幾清凉ga,低胸,吊带,露背,超短裤,超短裙,T-back..........好大比例上係咁样嘅穿着.真係清凉透心lor.仲去到同澳门一桥之隔嘅关口,澳门离我如此之近.

    当晚就已经玩得好激----卡丁车!!!哇,未玩之前见到D叻人开住部卡丁车係我面前呼啸而过,顶~有D心惊惊tim.但係到自己开嘅时候,感觉舒服好多,可能係以前玩得赛车game多.感觉开始嚟la,速度亦都逐渐加快,仲漂移tim.就係赛车场都链咗90分钟车............爽晒.晚黑又落pub,饮到瘟瘟地先返去.跟住打牌吹水到咗第2朝嘅0600先去瞓.

    瞓咗6個钟就起身准备去斟温泉.打咗30蚊taxi去咗位于圆明新园隔离嘅中药谷.去舒缓下寻日链车嘅疲劳.入边嘅池都有中药成分,一阵中药味幾醒神.斟斟下俾我地发现咗有個薄荷XX池.一脚踏入就已经feel到凉氣,冻到啊.再试埋水温,爽!!!!!!!!!!冻到冇声出.我地仲要斟住哩個冰泉嚟玩男生女生配.随后顺便做埋body massage,俾個女按摩师链幾下脖头,痛到攞命,原来係肌肉劳损.按摩完仲痛过未按之前.小云就係一個男按摩师帮佢整,完咗佢羡慕我係由一個女嘅帮我按.哈哈~想要就出声啊ma,我实让俾你ga.

    最后一日临走佢地都要去链返两盘卡丁车.我就唔掂la~個脖头真係认真痛,已经冇力控制呔盘.

上咗回程车,我就回顾下今次旅程,珠海俾我嘅印象係-----地大,人少,海岸线长,沿海岸线好多楼盘,本地人唔多,拱北口岸女生穿着好索!!!!!酒店设计特别(因为我地住果间係新开,而冲凉间同toilet只间係全透明玻璃,而且对住床嘅亦都係一块落地玻璃.拉帘又係外边wor~如果外边有人拉开帘,你冲凉或者去toilet都会见得一清二楚)