D.J's profile♂※iт's му lifё ★ i шill ...PhotosBlogListsMore  |  Tools Help |
|
May 31 你可以选择幸福 人生,有许多個出口.
只不过有些路的确比较不好走;只不过它不是原先设想的结果;只不过我们经常执意碰壁,不肯转身,回头;只不过因为内心实在不愿意面对现实......所以,赖着不走.
人生不管走到什么绝境,总有许多個出口.你可以在理性分析之后,做出选择.就算别无选择,也是一种选择.只要你愿意积极面对,然后对那個选择负起全责,总有一天,会从这個出,找到属于自己的幸福.
如果,你只是自怨自艾,无理耍赖,错过了选择上幸福列车的时机,命运就会帮你做决定,往后的人生只剩下-----无可奈何
世间的绝境,常始于自己的心境.
有些人听得了劝,有些人仍执迷不悟.因为,放弃比努力容易.跌到之后,坐在原地哭闹赖皮,也比爬起来重新奋斗要简单得多.但这幾乎也在一個时候选择了不幸,只是当事人并不自觉.
p.s 近幾日懒咗,或者係多嘢做呱~所以冇写到新嘢,今次留低一段吴若权嘅作品,有意思ga,自己参透下la May 24 情欲DIY，可以很精彩“一個人的情欲生活，只要不作奸犯科，就要让自己开开心心。”
“单身的人，懂得在不妨碍别人的前提下，处理自身的情欲，真是一种莫大的幸福。原来，性跟吃饭一样，都是自然健康的事。只要你能在不妨碍别人的前提下，自得其乐。”
以上两段说话都係出自台湾作家吴若权所写嘅一本书。所讲到嘅情欲DIY，实际上可以解做ML。有好多人一讲到哩個话题，就会面红耳赤，又或者津津乐道wor。哩D都係因为每個人嘅个性或者生活经验有关，无试过嘅咪会表演得好怕丑lor，试过嘅咪大把嘢讲lor。好似而家有D读紧中学嘅后生仔女，一早就试过ML，亦都够胆係人地面前大谈“性”经，ok哩样嘢我就无乜睇法嘅。但係最唔钟意就係话人地无试过，无资格讲。（当然大家係F嘅讲笑，就无问题la，哈哈！）笑人地，哇~你咁老，都仲係处啊。喂，小朋友你乜嘢岁数啊，你试过ok~我无嘢讲，但係你唔好将枪口指住其他处男处女~你无嘢下~过咗20仲係处都唔得啊，你咁快搞嘢，出咗事你仲唔惊到濑尿啊。
而家兴速食爱情，easy come easy go。但係ML唔係话Do就Do，你Do咗，你地嘅关系就会更进一步，有种两位一体嘅XX（一时唔知点解释我想表达嘅内容），你无能力就唔好阻碍人地嘅前程。ML係要顾及好多嘅因素，你估话Do就Do ga，Do完你就知。
讲咗咁耐，好似又偏咗题，最近经常都係咁~唔知係咪個脑嘅逻辑思维发生问题，硬係词不达意。算数，等我整理下自己嘅思絮先，下次再续 May 21 肯定係我最长嘅一篇blog岩岩准备开始写blog，就连续接咗两個电话，总共倾咗成粒钟。所以过咗咁耐，唔知道原先想写果D嘢有无唔记得咗，但係照写喇。 寻日做完D嘢，就过暨大，因为应承Ringo去睇佢跳街舞~(其实自己都想去睇咖，只不过要揾個籍口嘛)去到天河城见到先6点3，谂住时间尚早就落去JUSCO买支洗面奶。出返嚟谂住用10分钟就行到去暨大，点知越行就越得唔对路喔，咁远嘅。卒知用咗20分钟先行到，唉~预计错误添，真失策 入到去，直接往邵逸夫体育馆方向前进。去到门口，见到個舞台设立係体育馆前方嘅空地，有人试紧灯光，主持係度试走台，睇落好pro喔，又有专人负责灯光，音台，仲有好多工作人员，门口又有检票。好彩未够钟开场，Ringo出嚟接我入去，哈哈！谂住话入埋后台嘅彩排室，有工作人员截住。我仲係度谂，学校show都咁严格把关，大制作嚟咖？跟住我地用两把口搞掂咗個boy，顺利进入后台~ 其实果度应该唔叫后台，叫练习室合适D，因为见到唔同嘅社团係度作最后准备。真係多人咯~随后同Ringo個同屋叫公文(？？音译，因为唔知只係听见咁讲)出去外面揾位，准备拍video。出到去原本D工作人员又唔俾我地进去攞靓位，但係可能因为公文把口够掂呱~两句就o爹掂咗個girl，咁就去第一排位置坐低.......係地下~(因为第一排係嘉宾位，边有资格坐喔)都无所谓喇，坐就小事嚟喈。坐低无幾耐就开show喇，讲下個show先，係每学期各社团都要表演下佢地学成咗D乜嘢，而举办哩個show。名好似係叫社联XX闭幕式，大概係上下嘅意思喇。 开场就梗係有band队搞起個气氛先喇。不过中途有個小插曲，鼓手要抱住其中一只鼓嚟打，因为個脚架突然跌咗。后尾個主唱帮手整返，无事！~继续jam歌。到主持上台喇，但係佢地一开声就要攞稿嚟读，唔该pro返小小呢，稿係用嚟作不时之需，你地讲嘢都要对住稿，完全同观众无交流咁点得咖。唉~哩個开场有D失望。不过no problem喇，我都唔係嚟睇你两個嘅，主持讲完开场，就介绍成個社联嘅各個社团出嚟亮相。哇`哩度就真係要花D时间去讲讲。真係不下贰叁十個社团，讲下幾個令我有深刻印象嘅片段。一班着住医生护士装嘅，玩晒制服诱惑咁，以为係乜嘢医疗学院之类嘅，点知原来係爱牙协会喔，唓.....顿时個feel唔同晒。一個係乜嘢战史XXXX协会，得两個人上台，着件军色背心，步操出场喔，真係抵死，仲要对全场敬军礼，真係抵俾掌声喇。仲有两個女仔係着练功服，一上台就dun地，哇~個台俾佢dun到bangbang声响，另一個就耍刀，哇~揾佢地教返两招防身都好！仲有就係电子竞技协会，哈哈！戴晒headphone，手攞keybrond，個名叫得咁堂而皇之，其实咪就係奉旨打机协会咯~仲有动漫协会，着晒D衫出嚟，好似去咗动漫展咁喔。仲有個最抵死，乜嘢饮食协会，哈哈`表演食字路口，但係出嚟嘅效果就真係... 成個介绍用咗半個钟，真係长咯~跟住落嚟唔好俾個气氛down落嚟，即刻就轮到舞协出场。街舞有得睇！我目的就係嚟睇哩part咋嘛~ 突然灯光暗晒，男子组率先登场，当然用文字係表达唔清佢地只舞，只可以讲下我睇完嘅感受。因为要顾住帮Ringo拍video，所以无太注意睇现场，大部分时间都係睇住個scan。要讲嘅係有幾点，眼神！我见到有某D dancer嘅眼神有D浮，无乜焦点。有D就好僵硬，表情好紧。可以relax D，放松D嚟跳，先至会发挥得更好。动作合拍！有D位应该需要齐嘅未够齐，因为有D地方係要动作齐，先会有果种feel。当然你地练习嘅时间短，咁就可以原谅嘅。最后就係個人问题喇，有個boy係其中一段，好明显係同整体唔合嘅，睇起身好怪~就算你係跳惯单人嘅，而家係跳组合喔，係咪应该俾多D心机，同大家夹下呢。当然哩D只係我嘅理解，我只係知道你地表面嘅话，或者仲有另外D深入嘅嘢我唔知呢~ 搞掂完只舞，返到入练习室就开始忙咯喔~忙住影相留念！嘿，5,6部DC係闪闪下，加多部DV添。我谂影相都用咗半個钟wa~哈哈！后尾提议去开饭，应该开show前都未食嘢喇。我都会咁ge喔，凡係有哩D活动，之前我都唔会食嘢，等到搞掂先会食。咁会食得爽好多咖！去到食饭嘅时候就多笑料咯，同埋可以从中睇出D细微嘢~我幾习惯，就係去观察每個人嘅一D小动作同表情，从中可以了解到一定嘅事情。两张台有各自嘅故事，er.....都係唔讲另一围喇，因为相比自己哩围，果边真係唔熟。因为哩边起码有幾個係上次见面都见过，(国语：混個脸熟)好奇怪嘅係佢地叫Ringo做鸡华？哈哈~莫非係因为Ringo你太咸湿，so call you 鸡华。另外就係Ringo你话佢身材劲嘅winki，哈哈~係咪妒忌喈，唔抵得呢。唉~winki天生嘅，你无得恨咖la~哩围嘅两個女仔都可以冚低对面果围，嘿~真係唔识形容喇，不过并唔係坏事喔，对外D总好过怕丑到鹌鹑咁果D。我钟意外向嘅多D喇 ^_^ 沟通都易D喇。哩围台成晚都围绕住冷笑话同青头仔哩两個话题。真係笑都笑饱la，无端端扯到阿yong度，话人地仲係青头仔。哦~记得喇，係阿yong话今晚可能就会将自己21年嘅兽性爆发，跟住就好似係winki话佢仲係青头仔，又喂人食青头菜(因为晚餐有波菜，白菜，菜花）。搞到阿yong焗住肚气，无晒声出，真係阴功咯，俾两個女仔窒住晒。哈哈！ 埋单果时，係AA制喔。咦....好习惯喔，唔似有D，今次你嘅，下次我嘅。即係唔係话咁样唔得，但係個人感觉AA制幾好咯。大部分人都直接过新冶，我同公文就同埋Ringo & winki返佢地屋企先，要稍为执下個look同放低D嘢~因为佢地係自己出嚟租屋，所以咪男女混住咯。如果係宿舍，边有咁好嘅事喔。我梦想中嘅大学生活就係应该咁样咖嘛，但係我从幼儿园开始，我所读嘅学校都好近，无必要住宿，所以我梦想嘅大学生活应该无可能实现la。原来佢地都住9楼，又係同我一样，无elevator，要步行上去，好彩我行惯喈。有3房一厅，大概全屋面积係50-60平方la，3個人住够晒lu。仲养咗只猫添，原来只猫係执返嚟养嘅，都唔知係咪人地落楼下溜猫，你地捉走只猫嘅，哈哈~！每间房大概有12平方左右la，都觉得够用。不过Ringo间房就真係...我见过D女仔就执得好企理，仲有阵女仔房嘅香味，哩种味道就真係吸引咯。Ringo间房就乱咗D喇，得闲就执下房la你，唔好咁懒~反而公文间房都整齐过你果间，讲唔过去呱~搞掂晒行装，就打部taxi去新冶la。我无去到，因为同其他嘅唔熟就费事la，呵呵~ 翻到屋企冲埋凉，一直上网上到1点9，突然电话响喔，奇怪喔，咁夜边個揾我啊~一睇手机，Ringo~咩事，佢唔係蒲紧新冶嘅咩。接咗电话，净係听到D音乐声，喂极都无人听，于是收线。一收线又打过嚟喔，今次又係喂极都无人听。后尾发条短讯过去，佢话部机係人地度喔，唔关佢事。咁係咪你D F想识你今日带嚟果個boy呢(即係我啊)哇咔咔！！！！！~~~~~2点终于有D眼瞓，一瞓落床又有F发短讯俾我喔，咁咪复埋佢先瞓咯。瞓到4点半左右，Ringo发条短讯嚟话翻到屋企la，好攰要瞓la，原本都谂住复翻条俾佢“早抖la”，但係自己都眼瞓，so无复到佢，大觉瞓咯。今朝瞓醒都11am，噢`真係瞓得舒服la May 18 继续感性岩先走去睇咗ringo嘅space，发现佢写咗篇自己对浪漫嘅一D见解
哇~同我谂D嘢咁相似嘅，唔係fa。因为我成日都谂好多嘢，可能係双鱼座呱~
从相识后嘅行街，食饭，睇戏嘅方程式，转变到玩煮饭仔，再到做爱做嘅事.....
哈哈~哩D无疑係情侣嘅拍拖方式，但係一条方程式用得太耐，都会觉得无意思，就好似数学题都有n多种解法喇。同一招用得多，就会产生厌倦感，所以就要搞搞新意喇。我個星座被称为最浪漫嘅星座，可能我潜意识入边都会有好多浪漫因子呱，我都唔赞成男仔成日都係果三部曲，用下脑，谂D新嘢，咁先会令到佢更爱你咖ma。
又或者係经常都有人稳我倾心事（可能我守得秘密呱）。我听过好多人嘅感情事，从而我又可以归纳到好多种情况，应该点去解决，或者俾D客观意见俾人。唔知係咪听人讲得多，搞到自己拍拖都鬼咁多嘢谂，so未有拖拍。又可能真係“能医不自医”，人地嘅问题我可以俾到意见，到咗自己又係做唔到喔，不过事后我会谂起，其实只係我当时无去咁做，并唔係唔识做。
哈哈~以后得闲就写下D浪漫招数教下大家喇 May 17 又俾人话我玩感性喇今日係学校入边，见到一对老人家係大风中互相搀扶住，迎住狂风步行 。真係突然间心头一阵，白头协老就係讲紧佢地喇。 虽然我平时搭车都会见到一D公公婆婆，上咗车之后係分开坐，其实我 都唔係好明，点解有孖位唔坐，要分开坐呢？真係要做個调查至得。因 为我望得入神，個F就係度话我“又玩感性啊？谂紧乜啊”。边得嚟咁多 感性喈，我咪答返句，玩性感啊~ 好记得係[pala pala sakura]哩齣戏度，Aaron個名叫王感性(音译)， 调转读就变成性感王] 查实好多热恋中嘅男女，都会有哩种举动，但係我就会觉得：咦..... 肉麻到死，懒咁恩爱。Er......我又唔係妒忌佢地有拖拍喔，点解会咁 谂嘅呢？我自己都唔知 可能我以后老咗，都会好似两位老人家咁样，但係我好细個喈，点解见 到哩個场面，会有咁多嘢谂咖，莫非我真係玩感性？ May 16 过马路拖手???又係一个老话题喇~
係咁岩听到个电台节目,讲到如果过马路嘅时候,应该点样拖女仔只手呢?
通常过马路,女仔都会惊D,如果你伸只手出去,佢有可能会拖住你,但係亦都有可能只係ku住你手臂
就算個女仔乜嘢都无做,亦唔好灰心
係平常嘅日子,要将自己无时无刻都保持係最佳状态.咁就大把机会咖喇
係咪!醒少少喇... May 15 你以为...今日见到个F嘅MSN签名度写住"我唔钟意D口花花嘅人" 就谂起我都俾人话过,我有幽默感,我口花花 真係咩?我从来唔觉得自己好幽默,甚至乎我觉得我係属于一个内向嘅人.因为以前我真係唔多开口讲嘢,好似鹌鹑咁~ 或者係因为我开始做嘢,接触传媒,所以不知不觉变得多嘢讲 但係我觉得自己多嘢讲,係嚟掩饰自己嘅慌张,其实我觉得自己面对陌生人嘅时候,仲係未做到收放自如.我私底下係一个好静嘅人,我经常都睇小说.所以当我话自己动静皆宜嘅时候,好多人都唔信......why? 所以,以后有人好多嘢讲,佢未必係有幽默感咖~或者佢只係慌乱紧 (转自我的xanga) 唔该~行开你地唔进步，就唔该你地自动自觉弹开
咁大个人喇，仲係咁天真。成熟D喇
以后你地点揾食啊
我想揾个可以同我一样有上进心嘅
你地有无？无就唔该行开，唔好阻住地球转 May 12 偶然嘅下午唔使上课今日去加州红唱K，又用免费卷唱咗2个钟，但係班人话未够喉， 于是利用诡计又唱多两个钟，哇咔咔~ 之后去食咗個几正嘅云吞面，哇~只云吞有分鱼子，瑶柱，鲍鱼仔， 紧要咯！一只云吞有两粒瑶柱仔，另外嘅有一只手指尾指甲咁大嘅 鲍鱼仔，仲要係竹升面。。。汤底又正~哇，真係回味咯~ 又陪埋个F行去白云宾馆，途中经过建设六马路，见到好多西人哇~ 沿街都係“chicken”，OH~点解会有咁多咖，阻街啊~仲要有咸湿鬼 过去问价，哇哇哇~好乱啊 May 10 哈哈~你地係我姑姐啊？早几日先至post篇新blog，係话我果3個靓靓姑姐
寻晚阿wing发张相系Q群度，竟然俾人话wing同esther係我姑姐喔
哈哈哈~~~笑到我想死wa.........
佢地係我dF嚟咖~ May 08 三个好靓嘅姑姐5.7号~最后一日放长假,同屋企人去咗饮姑姐嘅喜酒,话是话喇~真係未见过哩位姑姐咖~当晚有好多人都未见过嘅~不过,同一围台俾我见返一个都可能有10年无见过嘅"大"姑姐.佢好靓女哇!!!!!係我印象中果时我仲係好细个,同佢拖住手仔玩嘅(嘻嘻 ^_^),之后佢出咗国读书,如果唔係今次真係唔知可唔可以见返喇~另外又识到另一个细姑姐喔,又係好靓女好nice咖~最重要嘅一点,佢地都好高咖~平均身高去到170cm,哇...好彩我都衬到佢地喈 係宴会中,又介绍D亲戚喔,先发现中国嘅关系到称呼都实在太厉害喇~一个4岁半嘅dd,我居然要叫佢做阿叔喔~Er.......叫出口果时自己都顶唔顺哇~哈哈! 当晚我地又续摊,去玩之前,大家都捉紧机会玩合照,我就俾两个姑姐轮流拖住影相,哈哈~我发现自己影相嘅次数都不亚于新娘子咖.落到K场,二话不说就嚟两支Chivas~除咗普遍玩法外,又学识咗"江湖刀",哈哈~又真係几搞笑咖~落到蒲场我地就定落咗,以后出到街我地就会互相称呼做家姐同细佬,有长辈在场先会叫返姑姐(哈哈,咁咪拉近咗关系咯,其实实际上佢地都係2字头咋)~ 玩到两点几先返到~谂起5.1假期有一晚同初中同学去到凌晨5点,寻晚又2点几,真係咁大个仔都未试过咁咖~今朝6点就醒咗,回想返寻日,真係觉得我结婚果个姑姐,表情好幸福,姑丈又靓仔喔~最紧要系对我姑姐好啊嘛,搞到我另外两个姑姐又恨嫁喔(嘻嘻)...都睇到我好感动!!!~ May 06 彩色漸變文字產生器-專業版彩色漸變文字產生器-專業版
軟體名稱：好色機器 V1.1 - 文字美化工具
語言界面：繁體中文版 軟體大小：５１７ＫＢ 軟體性質：免費軟體 程式設計：夷希微@台灣 軟體簡介： 這是一套可以將文字變成五彩繽紛的漸變彩色文字，有七種型態可選，顏色可自由搭配，按滑鼠左鍵是跳顏色對話框讓您選色；按滑鼠右鍵則是直接從螢幕上選色，且即時預覽，並直接產生論壇在用的BB CODE 及做網頁用的 HTML TAG 兩種標籤語法供應用，美化網頁，還能選擇預覽的背景顏色唷～希望各位能夠善加利用 ^_^
[  基本型一]上善若水。水善利萬物而不爭，處眾人之所惡，故幾於道。居善地，心善淵，與善仁，言善信，政善治，事善能，動善時。夫唯不爭，故無尤。 [  基本型二]五色令人目盲；五音令人耳聾；五味令人口爽；馳騁畋獵，令人心發狂；難得之貨，令人行妨。是以聖人為腹不為目，故去彼取此。 [  基本型三]五色令人目盲；五音令人耳聾；五味令人口爽；馳騁畋獵，令人心發狂；難得之貨，令人行妨。是以聖人為腹不為目，故去彼取此。 [  基本型四]五色令人目盲；五音令人耳聾；五味令人口爽；馳騁畋獵，令人心發狂；難得之貨，令人行妨。是以聖人為腹不為目，故去彼取此
Step by Step 教學：
转载自piano@丽玛设计 |
下載位置 |
|
