下午返学,原本嘅写作课老师提议,今日唔写作问,大家睇一齣戏.就係-----《天使之城》 City of Angels

    剧情简介:塞斯(Nicolas Cage)是一位充满好奇的天使，他被上帝派驻在洛杉矶，专门护送垂死的病人上天堂。而在当地医院中的医生玛姬(Meg Ryan)却成日在手术台上帮助病人与死神交战。有一天她在进行手术时，一名病人突然暴毙于她手中，当塞斯前来护送病人上路时，却发现了玛姬的脆弱的心灵无法面对如此打击，天使情不自禁地想要伸出援助之手，帮助这个令他心动的女人。
　　于是，塞斯冒着极大的危险，从一名虚无飘缈的天使，变成一个神秘的陌生客，走入了他向往已久却只能袖手旁观的凡人生活。玛姬也喜欢上了温柔体贴的塞斯，可是她对这名没有过去的神秘男人感到十分怀疑。幸福的一夜后，第二天他们正准备迎接会越来越幸福的将来时，她出了车祸，刚刚到了同一个世界的两个人，突然间变换了互相的位置。深深的痛苦向他阵阵袭来……

 

    原文再续书接上一回

    今日中午去到美院小筑,等待佢嘅出现.大概一点钟嘅时候佢终于出现la.第一眼见返,感觉冇乜变,只係更加靓咗.哈哈~讲返最重要嘅嘢,佢点解失踪咗两年呢?现在可以一一揭晓.

    原来佢并唔係失踪...........只係因为一连串嘅误会导致大家失去咗联络.(具体原因佢叫我唔好周围讲)所以我会写係我日记blog度.但係见返面之后大家仲係好似以前咁有讲有笑.最后仲赌输赢,有人话我地嘅同班同学係咪今年头结婚嘅.输咗嘅就要去斜对面台嘅一围着校服嘅学生妹合影.Chris输咗,睇住佢过去自己紧张到净係听到呼吸声.哈哈~毕竟係第一次亲眼见.不过又俾佢影到wor~仲影咗幾张tim.不过手震,张相朦查查咁.白费晒.

早排收到消息,我有两個同学都失踪咗,其中一個自从毕业就唔见咗人.连屋企人都揾佢唔到,真係令人担心la.两年后终于有佢消息.听讲佢係中大读书wor,奇怪奇怪~听日约咗佢食饭再倾下.欲知后事如何,请听下回分解.

    近期返学都迟到，冇它嘅。梗係因为有D嘢先会咁la
    究竟係乜嘢，就要从巴士站讲起la。事因哩排早上都会同一個女仔坐同一部车。就係咁桥，前一排每日都会撞到，同一個车站上车，同一個站落车wor。佢就去中国电信返工，我就行远D去返学。佢每日除咗侧孭袋，仲手提住一個环保袋，以我嘅眼镜去测量袋中物品，大细应该係饭盒。佢应该係带饭返公司食嘅。

    佢上车坐定之后，都习惯眼向下望，向地下方向。有时会攞部psp出嚟玩。而且会戴耳机，从手指嘅郁动频率，同埋嘴角嘅细微动作，佢好有可能係玩紧太鼓达人！~今日朝早落住毛毛雨，搞到我又迟咗出门。但係佢一样迟咗wor，我地又係巴士站相遇。等咗15分钟先有一班车，等车嘅人一窝蜂拥晒过去，剩低幾個人係车站冇上车。当然有D唔係搭哩班车嘅。居然我望到佢都冇上车wor。当时係8:15分，据我观察佢应该係8:30开始上班,就8:20上课。车程只需15分钟。只要我搭车见到佢，就证明我会迟到，哈哈~因为我地都会係8点钟去到车站。讲返正题，再等咗一阵佢就向我哩边行嚟。係我精神晃忽嘅瞬间，佢经过咗我身边。并且继续直行，当时我就谂佢应该会去搭地铁。咁我跟唔跟住去好呢？就係哩個时候有车到，我回头一望，佢已经行咗好远。咁我唯有上车la，毕竟大家都冇乜嘢，做好自己嘢再算la。当部车经过嘅时候，佢抬头一望，神情有些许失落。或者谂紧，点解唔等多一阵呢，等多阵就有车la。

    其实我又冇话乜嘢嘅，巴士站嘅偶遇咪当係生活中嘅一個片段lor~无须去谂太多不切实际嘅嘢。

    唔写la~赶论文。写英文写到好头痛啊，有冇人捱义氣帮我将中文譯成英文呢

咁快又一年la

又话食月饼,睇月亮.

而家周街都係人,行街嘅行街,赏月嘅赏月,拍拖嘅拍拖.

家阵时嘅中秋节已经唔再同以前咁,一家人食完饭倾下计.而係出晒街度,今日係婆婆度行返嚟,成条沿江路都係人.夸张

既然係中秋节,影幾张月亮嘅相俾大家睇下la